رئیس دفتر مقام وزارت معارف رسماَ معرفی شد

دکتور محمدسعید منصور، که به اساس پیشنهاد رهبری وزارت معارف و منظوری مقام عالی ریاست جمهوری از ریاست معارف ولایت میدان وردک تبدیلاَ به حیث رئیس دفتر مقام وزارت معارف تعیین شد، از سوی محترمه رنگینه حمیدی، سرپرست وزارت معارف و با حضور معینان و رئیسان وزارت معرفی گردید و رسماَ وظیفه‌ی خویش را آغاز نمود.

سرپرست وزارت معارف، در مراسمی که به همین مناسبت برگزار شده بود، از تلاش‌ها و کارکردهای آقای منصور در بخش‌های مختلیف وزارت معارف سپاس‌گزاری نموده، گفت: «جای خرسندی این است که امروز یکی از کدرهای ورزیده‌ی خانواده معارف مسوولیت ریاست دفتر وزارت را عهده‌دار شده‌است. هدف همه‌ی ما خدمت به فرزندان کشور است و ما می‌توانیم با روحیه ملی و کار مشترک مصدر خوب خدمت به معارف کشور شویم.»

دکتور محمدسعید منصور، رئیس جدید دفتر مقام وزارت از اعتماد مقام عالی ریاست جمهوری و مقام رهبری وزارت معارف اظهار امتنان نموده، گفت که در هماهنگی و به مشوره مقام رهبری، معینان و همکاران وزارت معارف در پیشبرد مسوولیت‌هایش به طور جدی و صادقانه سعی و تلاش می‌نمایند.