د پوهنې وزارت د دفتر رییس رسمأ معرفي شو
ډاکټر محمد سعید منصور د پوهنې وزارت د مشرتابه د وړاندیز په اساس او د ولسمشر د عالي مقام په منظوری د میدان وردګو ولایت د پوهنې د ریاست څخه تبدیل او د پوهنې وزارت د دفتر د رییس په توګه د پوهنې وزارت د مشرتابه، معینانو او رئیسانو په شتون کې معرفي شو او رسمأ خپلې دندې یې پیل کړې.
د پوهنې وزارت سرپرستي په دې مراسمو کې د پوهنې وزارت په بیلابیلو څانګو کې د ښاغلي منصور د هڅو او دندو له امله مننه وکړه او وې ویل: « دا د خوښۍ ځای دی چې نن ورځ د پوهنې د کورنۍ یو روزل شوی غړی د وزارت د دفتر مسؤلیت په غاړه اخلي. زموږ د ټولو هدف د افغانستان ماشومانو ته خدمت کول دي، او موږ کولی شو د ملي روحیې سره د هیواد تعلیم ته د خدمت یوه ښه سرچینه واوسو او په ګډه کار وکړو.»
د دغه وزارت نوي رییس ډاکټر محمد سعید منصور د ولسمشر او د پوهنې وزارت له مشرتابه د اعتماد څخه مننه څرګنده کړه او وې ویل چې د پوهنې وزارت له مشرتابه، مرستیالانو او همکارانو سره په همغږۍ او مشورې کې د خپلو مسؤلیتونو د پرمخ بیولو لپاره جدي او صادقانه هڅې کوي.
