کندهار کې د پوهنې کارکونکو ته د وړتیا لوړونې ورکشاپ جوړ شو
پوهنې وزارت_کندهار: د کندهار د پوهنې ریاست اړوند د پلان مدیریت، د دیني مدارسو او خصووصي ښوونځیو مسوولینو ته د وړ تیا لوړولو په موخه دوه ورځنی روزنیز ورکشاپ پیل شو.
یاد ورکشاپ د کندهار پوهنې ریاست په همکاری او CBA موسسي په مالي مرسته جوړ شوی، چې د پوهنې ریاست د پلان مدیریت کارکونکو، د دیني مدارسو او خصوصي ښوونځیو مسوولین پکې برخه لري.
د ورکشاپ ګډونوالو ته د ظرفیت لوړونې په موخه د احصایې او ځینو نورو اړوندو موضوعاتو په برخه کې روزنه ورکول کېږي.
د کندهار د پوهنې رئیس استاد محب احمد روښان د یاد ورکشاپ د پیل پر مهال وویل، چې د دغه ورکشاپ د جوړولو موخه د کارکوونکو وړتیا لوړول دي. هغه زیاته کړه، چې د خپل کلني کاري پلان له مخې د پوهنې کارکوونکو او ښوونکو د وړتیاوو لوړولو او روزنې ته خاصه پاملرنه کړې ده.
د کندهار د پوهنې ریاست د روران کال له پیله د خپلو ښوونکو او کارکوونکو د ظرفیت لوړولو لپاره ځانګړي روزنیز ورکشاپونه په لاره اچولي، چې تر اوسه یې زیات شمیط کارکوونکي د ظرفیت لوړولو په برخه کې روزل شويدې.
