خوست كې د ﺯده کوونکو پر ساينسي او عملي تجربو تمركز زيات شوى
د خوست ولایت د مرکز اړوند د عبدالحى حبيبي لېسې ﺯده کوونکو د بيولوژې په برخه کې په ﺯړه پورې تجربې تر سره کړې.
په هغه غونډه کې چې په همدې تړاو د عبدالحی حبیبی په لیسه کې جوړه شوه وه ، د خوست دپوهنې ریاست مسوولینو بر سیره د ساينس مرکز كار كوونكو او د يو شمېر لېسو امرينو هم ګډون کړى و.
په یاده غونډه کې د مرکزي ښوونځيو د نظارت امر سيف الدين او دیادې لېسې د بیو لوژي استاد دساینس په برخه کې د زده کوونکو د عملي تجربو په اړوند خبري وکړي، زیاته یی کړه، پر ﺯده کوونکو د دا ډول تجربو له وړاندې کولو يې موخه د ﺯده کوونکو اختراعاتو ته هڅول دي, ده ﺯياته کړه په دې کار سره ﺯده کوونکي په اسانه په بيولوژکي او ساينسي مسايلو پوهېږي او په عملي ژوند کې ترې استفاده کولاي شي.
ورپسې د بيولوژى په برخه کې دزده کوونکو لخوا لس بريالى تجربې ترسره شوې, د بيولوژي يو شمېر موډلونه نندارې ته وړاندې او ګډون والو ته تشريح شول.
دغونډي په وروستۍ برخه کې د لېسې ادارې له لوري د بیولوژی استاد زاهدالله ذهین او ﺯده کوونکي په مادي او معنوي ډاليو وناﺯول شول.
