کارمندان معارف ولایت قندهار نیز شامل پروسه واکسیناسیون کرونا شدند

وزارت معارف، قندهار: با حضور داشت الحاج روح الله خانزاده والی قندهار درحالی که روسای معارف، صحت عامه، پوهنتون های تحصیلات عالی، زراعت وتکنالوژی قندهار و شماری از کارمندان ومعلمان نیز اشتراک داشتند پروسه واکسیناسیون کارمندان معارف آن ولایت آغاز گردید.

در آغاز پروسه تطبیق واکسین برای کارمندان معارف ولایت یاد شده، والی آن ولایت گفت: بعد از دوکتوران طب، اولویت دیگر ما صحت وسلامتی منسوبان، معلمان واستادان می باشد که خوشبختانه امروز آنها نیز از مزایای واکسین کرونا مستفید می گردند.

پوهنیار محب احمد روشان رییس معارف ضمن قدر دانی از اهتمام رهبری دولت وبه ویژه وزارت صحت در راستای توانمند سازی قشر آسیب پذیر جامعه از کارمندان ومعلمان خواست تا علی الرغم ترزیق واکسین کرونا، در جهت رعایت دساتیر وزارت صحت عامه نیز اهتمام داشته باشند.

داکتر اشرف نادری رییس صحت عامه ولایت قندهار در پیوند به موضوع صحبت نموده ودر راستای عرضه خدمات صحی برای کارمندان در تمام ساحات کاری ومردم شریف ولایت مذکور وعده همکاری بیشتر راسپرد.