فشرده چند خبر از معارف ولایات
میدان وردگ:
مولوی محمد عثمان حریت رئیس معارف ولایت میدان وردگ، از فعالیت های اداری و تدریسی لیسه و متوسطه هفت آسیاب، انصارالمؤمنین و یک باب مدرسه دینی در ولسوالی سیدآباد آن ولایت نظارت کرد.
فـــراه:
کارشناسان ریاست معارف ولایت فراه با برگزاری سیمینار آموزشی برای شماری از کارمندان اداری آن ریاست، مسایل اداری و شیوه های جمع آوری حصائیه را آموزش دادند.
خوست:
ریاست معارف ولایت خوست از نزد ۱۳۰ اطفال مهاجران عودت کننده، امتحان سویه تعلیمی را به هدف جذب آنها به صنوف ۷ تا ۹ مکاتب اخذ نمود.
غزنی:
الحاج مولوی میر نصیر احمد حسینی رئیس معارف ولایت غزنی، از فعالیتهای اداری و تدریس چند باب مکتب در مرکز ولایت مذکور دیدن کرد.
بغلان:
مسئولین ریاست معارف ولایت بغلان، مبلغ ۷۱ هزاز و ۵۷۰ افغانی را از کارمندان آن ریاست و افراد خیر جمع آوری و به خانواده های سیلاب زده گان آن ولایت توزیع نمود.
