د پوهنې له ډګره د څو مهمو خبرونو لنډیز
میدان وردګ
د میدان وردګ ولایت پوهنې رئیس مولوي محمد عثمان حریت، د یاد ولایت سیدآباد ولسوالۍ اړوند هفت آسیاب او انصار المؤمنین لېسو او د یو باب دیني مدرسې له اداري او تدریسي چارو څخه څارنه وکړه.
فراه
د فراه ولايت پوهنې رياست کارپوهانو، د یاد ریاست يو شمېر اداري کارکوونکو ته روزنيز سيمينار جوړ کړ او هغوى ته يې د اداري او احصائیوي مسایلو لارې چارې وروښودلې.
خوست
د خوست ولايت پوهنې رياست له اووم څخه تر نهم ټولګي پورې د ګمارنې په موخه، له ١٣٠ تنو راستنېدونکو کډوالو ماشومانو څخه د سویې د تثبیت په موخه آزموینه واخیسته.
غزني
د غزني ولایت پوهنې رئیس الحاج مولوي میر نصیر احمد حسیني، د یاد ولایت په مرکز کې د یو شمېر ښوونځیو له اداري او تدریسي چارو څخه لیدنه وکړه.
بغلان
د بغلان ولايت پوهنې رياست مسئولينو د یاد رياست له کارکوونکو او بااحساسه خلکو څخه ٧١ زره ٥٧٠ افغانۍ راټولې کړې او د یاد ولايت په سېلاب ځپلو کورینو یې ووېشلې.
