تامین آب آشامیدنی برای شاگردان یک باب مکتب در ولایت لغمان

به منظور دسترسی پرسونل و شاگردان لیسه سالاب ولسوالی علیشنگ ولایت لغمان به آب صحی، به عمق ۱۰۰ متر و با هزینه ۱۵۰ هزار افغانی از مساعدت مالی محترم اسد الله یک تن از معارف دوستان ولسوالی یادشده، یک حلقه چاه آب در لیسه سالاب حفر گردیده که با حضور مسئولین معارف آن ولایت رسما به بهره برداری سپرده شد.

محترم مولوی شاه‌جهان ساجد، رئیس معارف ولایت لغمان ضمن قدردانی از این هم وطن، از سایرین و بالاخص از تاجران و سرمایه‌داران خواست تا به هدف آینده روشن فرزندان‌شان، در ساخت‌وساز مدارس و مکتب‌ها سهم دینی و ملی خود را انجام دهند.