امتحانات سالانه در پکتیکا آغاز شد

وزارت معارف، پکتیکا: امتحانات سالانه سال تعلیمی 1399 شاگردان مکاتب به شمول شهر شرنه (مرکز ولایت) و تمامی ولسوالی های آن آغاز گردید.

محراب الدین شفق رئیس معارف و صالح محمد ظفر معاون تدریسی ریاست معارف ولایت متذکره حین بازدید از جریان اخذ امتحان شاگردان لیسه علی بابا از آنها خواستند که غرض سپری نمودن امتحان خوب باید آماده گی های کامل داشته باشند تا بتوانند از یک صنف به صنف دیگر با نمرات عالی کامیاب شوند.
گفتنی است، که به اساس هدایت مقام وزارت، امتحانات سالانه سال تعلیمی مناطق سرد سیر کشور به تاریخ 10 حوت آغاز و تا تاریخ 25 حوت سال روان ادامه خواهند داشت.