په پغمان ولسوالۍ کې د خوندي، پاک او مناسب ښوونیز چاپېریال برابرولو لپاره لازم اقدامات شوي
د کابل ولایت د پغمان ولسوالۍ په یو شمېر ښوونځیو کې د زدهکوونکو لپاره د خوندي، پاک او مناسب ښوونیز چاپېریال رامنځته کولو په موخه، د ښوونځیو د شوراګانو په همکارۍ یو لړ اقدامات ترسره شوي دي.
د ښوونځیو د شوراګانو په همکارۍ یو میلیون، ۳۵۳ زره او ۷۰۰ افغانۍ راټولې شوې چې د ښوونیزو ودانیو د اساسي ترمیم، د نویو ټولګیو جوړولو، د ټولګیو او اداري برخو رنګمالۍ، د ښوونځیو د انګړونو او لارو کانکرېټولو او بیارغونې په برخو کې لګول شوې دي.
همدارنګه، زدهکوونکو ته د څښاک پاکو اوبو برابرولو په موخه، د یو شمېر ښوونځیو په ساحو کې د اوبو درې ژور څاګان هم کېندل شوي دي.
