په کابل کې له معلولیت لرونکو زدهکوونکو سره د درسي مرستندویه توکو مرسته وشوه
د کابل ولایت په یو شمېر ولسوالیو کې یو شمېر خیریه بنسټونو او له پوهنې سره همکارو کورنیو محلي ټولګیو، ښوونځیو او کملیدونکو زدهکوونکو ته ۴۱۵ کڅوړې ښوونیز توکي او ۵۴۱۲ ټوکه کتابچې ووېشلې.
د وېشل شویو کڅوړو له جملې څخه ۲۴۲ کڅوړې د بګرامۍ ولسوالۍ اتو محلي ټولګیو، ۱۴۴ بستې د خاکجبار ولسوالۍ پنځو محلي ټولګیو او ۲۹ بستې د قرهباغ، فرزې او استالف ولسوالیو شپږو کملیدونکو ټولګیو زدهکوونکو ته ورکړل شوې.
همدارنګه، د دهسبز ولسوالۍ د یوه ښوونځي زدهکوونکو ته ۵۴۱۲ ټوکه کتابچې ووېشل شوې.
د کابل ولایت پوهنې ریاست مسوولینو په وینا، دغه اقدام د زدهکوونکو ښوونیزو توکو ته د لاسرسي د پیاوړتیا، د محلي زدهکړو د ملاتړ او د ځانګړو ښوونیزو اړتیاوو لرونکو زدهکوونکو لپاره د غوره ښوونیزو فرصتونو برابرولو په موخه ترسره شوی دی.
