د یو شمېر ولایتونو په دیني مدارسو کې د قدرمنو طلابو علمي ظرفیت لوړونې ازموینه واخیستل شوه
د پوهنې وزارت د دارالعلومونو ریاست له لوري د قدرمنو طلابو د علمي وړتيا لوړونې په موخه، په صرف او نحوې مضمونونو کې رقابتي ازموینه د لوګر، غزني، بامیان او پنجشېر ولایتونو کې واخیستل شوه.
دغه ازموینه د پوهنې وزارت د دارالعلومونو ریاست د رئیس مولوي عبدالقدوس قدوسي په مشرۍ د استول شوي پلاوي له لوري په شفاف او عادلانه ډول ترسره شوه.
د مسوولینو په وینا، ټاکل شوې چې د ازموینې پایلې د پنجشنبې ورځ په اړوندو ولایتونو کې اعلان او بریالیو ګډونوالو ته تر لسم مقام پورې ځانګړې جایزې هم ورکړل شي.
