لوګر ولایت کې د ۳۶ میلیونه افغانیو په لګښت د ۴۹ بابه ښوونځیو ودانۍ ورغول شوې
د لوګر ولایت په مرکز او ولسوالیو کې د یوه همکار بنسټ په مالي ملاتړ، د ۳۶ میلیونه افغانیو څخه په زیات لګښت د ۴۹ بابه ښوونځیو ودانۍ ترمیم او بیارغول شوې دي.
په یاده پروژه کې د درسي ټولګیو ترمیم، د احاطوي دېوالونو او تشنابونو بیارغونه، د لمریزې برېښنا سیسټمونو نصبول او د نورو اړینو ملحقاتو رغنیزې چارې شاملې دي.
د پوهنې ریاست مسوولینو په وینا، د دغو ښوونځیو د بیارغونې په بشپړېدو سره به زرګونو زدهکوونکو ته غوره او مناسب چاپېریال برابر شي.
