په دایکنډي ولایت کې د سیمهییزو ښوونځیو ښوونکو لپاره د مسلکي وړتیاوو لوړولو روزنیزه برنامه پیل شوه
د دایکنډي ولایت د سیمهییزو ښوونځیو ۱۳۲ تنو ښوونکو لپاره د مسلکي وړتیاوو لوړولو ۱۲ ورځنۍ روزنیزه برنامه، د یاد ولایت د پوهنې رئیس الحاج مولوي شیرمحمد صدیقي په حضور کې پیل شوه.
دغه ورکشاپ د سیمهییزو ښوونځیو د برنامې په چوکاټ کې ترسره شوی، کوم چې د یوې همکارې ادارې له لوري د دایکنډي ولایت د څلورو ولسوالیو په ۴۴ سیمهییزو ښوونځیو کې پلي شوی دی.
د پورته ذکر شوې برنامې بنسټیزه موخه د ښوونکو د مسلکي وړتیاوو لوړول، د تدریس د نویو لارو چارو دودول، له زدهکوونکو سره د چلند او اغېزمن تعامل د څرنګوالي ښه کول، د ټولګي د مدیریتي مهارتونو پیاوړتیا او په سیمهییزو ښوونځیو کې د باکیفیته او اغېزمنې زدهکړې لپاره د مناسب چاپېریال رامنځته کول دي.
