د لوګر ولایت اړوند سیمه کې د یو باب ښوونځي نوې ودانۍ پرانیستل شوه
د لوګر ولایت برهکي برک ولسوالۍ اړوند د شاه مزار کلي د شهید محمد انور لومړني ښوونځي نوې ودانۍ، د پوهنې مسئولینو، علماءکرامو، قومي مخورو، ښوونکو او زدهکوونکو په ګډون د یوې غونډې په ترڅ کې ګټې اخیستنې ته وسپارل شوه.
د یاد ولایت پوهنې رئیس مولوي ګل ولي متقي په وینا، د دغه ښوونځي ودانۍ د شاوخوا ۳ میلیونه افغانیو په لګښت او د یوه خیریه بنسټ په مالي مرسته په اساسي او معیاري ډول جوړه شوې ده.
یاده ودانۍ ۷ درسي ټولګي، یوه اداري خونه، دفتري تجهیزات، لوبغالی، د زدهکوونکو لپاره ۱۰۰ پایې مېزونه او څوکۍ، تشنابونه او احاطوي دېوال لري.
