د پوهنې وزارت احصائیې رئیس هرات ولایت ته سفر وکړ

د پوهنې وزارت د احصائیې رئیس محترم الحاج مولوي بسم‌الله نعماني په مشرۍ یو پلاوی، د هرات ولایت د ښوونیزو بنسټونو د احصائیوي ارقامو او معلوماتو د تایید او تصدیق په موخه یاد ولایت ته سفر وکړ.
دغه پلاوي د خپل سفر په پیل کې د هرات ولایت له پوهنې رئیس محترم مولوي محمد رحماني سره لیدنه وکړه او د خپل سفر موخې یې ورسره شریکې کړې.
وروسته د پوهنې رئیس د یاد پلاوي هرکلی وکړ او د هغوی د کاري پلانونو اغېزمن پلي کېدو لپاره یې د هر اړخیزې همکارۍ او اړینو اسانتیاوو برابرولو ډاډ ورکړ.