د مرکز او ولایتونو په ښوونیزو مرکزونو کې د نیالګیو کېنولو کمپاین پیل شو
د تعلیمي بنسټونو په انګړونو کې د شنو ساحو رامنځته کولو په موخه، چې بې له شکه د زدهکوونکو د رواني آرامتیا سبب ګرځي او د زدهکړې بهیر پیاوړی کوي، اوس د پسرلي موسم په رارسېدلو سره د ملک په ټولو مدارسو او ښوونځيو کې د نیالګیو کېنولو کمپاین پیل شوی دی.
د ولایتونو د پوهنې ریاستونو له راپورونو سره سم، په دغه کمپاین کې د زدهکوونکو او د پوهنې نورو کارکوونکو ترڅنګ، د سیمې اوسېدونکو او اړوندو ا/مارتي ادارو هم برخه اخیستې ده.
هغوی د مېوهلرونکو او زینتي نیالګیو په ډالۍ کولو سره د تعلیمي مرکزونو د شنو ساحو په جوړولو کې د پوهنې له ریاستونو سره همکاري کړې او دغه مرستې لا هم روانې دي.
د پوهنې رئیسانو او مسئولینو د سالم چاپېریال ساتنې، د ناروغیو ـ په ځانګړي ډول د ساري او مضره ناروغیو ـ د مخنیوي او همدارنګه د زدهکړې په بهیر کې د شنو تعلیمي ساحو د اغېزو په اړه د خبرو پر مهال د خلکو او د هېواد د رسمي بنسټونو له مرستو مننه او قدرداني وکړه.
