_د پوهنې وزارت د دعوت او ارشاد ریاست له کړنو "اوونیز راپور"
له شنبې۱۳/ ۷/ ۱۴۴۷ تر پنجشنبې ۱۸ / ۷/ ۱۴۴۷ ه.ق (د ۱۴۰۴ لمریز کال، مرغومي میاشتې له ۱۳ مې تر ۱۸ مې نېټې پورې)
تېره اوونۍ د پوهنې وزارت د دعوت او ارشاد د رئیس محترم الحاج مولوي جمعه خان "سروري" په لارښوونه، د دعوت او ارشاد مسئولینو د کابل ښار ۵ بابه خصوصي تعلیمي ښوونیزو مرکزونو له مدیرانو اومسئولینو سره وکتل.
په یادو لیدونوکې د پوهنې وزارت ددعوت اوارشاد ریاست مسئولینو له ټاکل شوي نصاب څخه څارنه وکړه او مسئولینو ته يې د دعوت اوارشاد د نصاب تدریس په هکله لازمي سپارښتنې وکړې
همداراز د یاد وزارت د مرکزي هستې ټولو کارکوونکو ته د دعوت او ارشاد درسونه په نورمال ډول روان وو.
په ورته مهال د کابل ښار او د ولایتونو له پوهنې ریاستونو څخه لاسته راغلي راپورونه ښیي چې، په تېره اوونۍ کې له ټاکل شوي مهالوېش سره سم د ښوونیزو مرکزونو اړوندو کارکوونکو ته د دعوت اوارشاد درسونو لړۍ روانه وه؛ لکه د پخوا په څېر په مرکزي هسته کې د یو شمېر ریاستونو د کارکوونکو حال له نږدې وارزول شو او هغوی ته لازمې توصیې وشوې.
همدارنګه د امر باالمعروف او نهی عن المنکر په انفاذ کمېټه کې د شخصی کورسونو او ښوونځیو د تعهدنامې او د مرکزي هستې د رئیس صاحبانو ،آمرینو او مدیرانو ته د سیمینار په هکله طرحې جوړولو باندې پرېکړه وشوه.
