د پکتیا ولایت په یو باب ښوونځي کې د ۸۰۰ زره افغانیو څخه په زیات لګښت یوه کمپیوټرخونه جوړه شوه
د پکتیا ولایت پوهنې ریاست د علم دوسته خلکو په مالي مرسته، د یاد ولایت احمدخېل مرکزي لېسې لپاره د ۸۱۰ زره ۲۷۹ افغانیو په لګښت یو باب کمپیوټرخونه جوړه او ګټې اخیستنې وسپارله.
په یاده خونه کې ۳۱ پایې کمپیوټرونه، ۱۸ پایې مېزونه، ۳۶ پایې څوکۍ، لمریزې برېښنا سیسټم، د ۳۶ تنو زدهکوونکو لپاره د یو وخت تدریس ظرفیت لرونکی سکرین او نور اړین تجهیزات شامل دي.
د پوهنې رئیس محترم الحاج مولوي عبدالقیوم فاروقي هم د ځایي خلکو له دغه نوښت ستاینه وکړه او له نورو شتمنو یې وغوښتل چې په داسې نېکو کارونو کې فعاله برخه واخلي.
د یادونې وړ ده چې، مخکې د همدغه ولایت په ۷ بابه ښوونځیو کې کمپیوټر لابراتوارونه او د لمریزې برېښنا سیسټمونه فعال شوي وو.
