د دایکنډي ولایت یو باب ښوونځي زدهکوونکي «د وای فای» دستګاه جوړه کړه
د دایکنډي پوهنې رئیس محترم الحاج مولوي شېر محمد صدیقي او نورو چارواکو په جضور کې"په ساینس او ریاضي څانګو کې د غوره زدهکوونکو خلاقیت" تر سرلیک لاندې د ازادې سیالۍ پروګرام جوړ شو.
یاد پروګرام د پوهنې وزارت د ساینس مرکز ریاست د پلان پر بنسټ، د دایکنډي پوهنې ریاست لخوا د نهو ولسوالیو د ښوونځیو ترمنځ د غوره زدهکوونکو د لاسي صنایعو او اختراعاتو د سیالۍ په توګه پیل شو، چې په پایله کې یې ښاغلي عبدالقیوم، د محمد حسین زوی، د شهرستان ولسوالۍ برلان عالي لېسې د لسم ټولګي زده کوونکی، د ساینس ستوري په توګه وپېژندل شو او مرکز ته معرفي شو.
پورته ذکر شوي شخص «د وای فای» وسیله اختراع کړې، کوم چې د معلوماتو او اسنادو فایلونه په یو وخت کې څو نورو دستګاوو ته لېږدولی شي.
د عبدالقیوم په وینا دا وسیله یې د یو سېټ زاړه ټلیفون له برخو څخه جوړه کړې، کوم چې اوس غوره فعالیت لري.
نوموړي زیاته کړه چې د مالي ملاتړ او ښو شرایطو سره، د نورو ټیکنالوژیکي تجهیزاتو د اختراع خیال هم له ځانه سره لري.
