په خوست ولایت کې له راستنېدونکو کډوالو ماشومانو څخه د سویې د تثبیت ازموینه واخیستل شوه
د خوست ولایت پوهنې ریاست د۱۴۰۴ لمریز کال پر مهال، د سویې د تثبیت ازموینې په درېیم پړاو کې له ۵۷ راستنېدونکو کډوالو څخه ازموینه واخیسته.
په همدې مناسبت په جوړو شویو مراسمو کې، ولایتي پوهنې چارواکو د ازموینې له پروسې څارنه وکړه او د سویې د تثبیت کچې ټاکلو برخه کې ګډونوالو ته د بشپړې روڼتیا ډاډ ورکړ.
د چارواکو په وینا، یاد شمېر زدهکوونکي به د ښوونځیو له اووم څخه تر یوولسم ټولګي پورې د هغوی د تعلیمي کچې پر بنسټ جذب شي.
د دوی په وینا، د ۱۴۰۴ لمریز کال له پیل راهیسې شاوخوا ۶۴۸ تنه کډوال ماشومان د سویې تر تثبیت وروسته اړوندو ښوونځیو ته معرفي او جذب شوي دي.
