د ولایتونو له پوهنې ډګره د څو خبرونو لنډیز
بامیان
د بامیان ولایت ورس ولسوالۍ اوسېدونکو د یادې ولسوالۍ له ښوونځیو سره د ۲۶۹ زره ۸۰۰ افغانیو مرسته وکړه.
د یادې ولسوالۍ د پوهنې چارواکو په وینا، دا مالي مرسته د توکو پېرودلو او د تعلیمي اسانتیاوو رامنځته کولو لپاره کارول شوې ده.
پکتیا
د ښوونځیو شورا لخوا د پکتیا ولایت ګردې څېړۍ ولسوالۍ د پرانګي عالي لېسې سره د ۳۰ زره افغانیو مرسته وشوه.
ننګرهار
د پوهنې ریاست سره د یوې همکارې ادارې لخوا د ننګرهار ولایت په مرکز جلال آباد ښار کې له نصرت عالي لېسې سره د ۱۴ پایې کمپیوټرونو مرسته وشوه.
