په هلمند ولایت کې د ۱۱ بابه ښوونځیو لپاره نوې ودانۍ جوړې شوې
د هلمند ولایت په ۱۱ بابه ښوونځیو کې، له پوهنې سره د یوې همکارې ادارې په مالي مرسته د ۱۰۹ مېلیونه ۸۸۰ زره افغانیو په ټولیز لګښت نوې ودانۍ جوړې او په رسمي ډول د پوهنې مسئولینو، سیمهییزو چارواکو، علماءکرامو، مشرانو او زدهکوونکو په حضور کې ګټې اخیستنې ته وسپارل شوې.
د یادو ودانیو د پرانیستلو پر مهال، د هلمند ولایت پوهنې رئیس محترم الحاج مولوي محمد عوض انصاري د پوهنې پر اهمیت، د ودانیو په سمه توګه کارولو او ښوونیزې پروسې د لا پیاوړتیا پر اړتیا ټینګار وکړ.
د یادونې وړ ده، دغه ودانۍ له معیارونو سره سمې جوړې شوې دي، چې په پایله کې یې د زدهکوونکو لپاره مناسب تعلیمي چاپېریال، پاکې اوبه، تشنابونه او نورې اړینې اسانتیاوې برابرې شوې.
