د بلخ ولایت پوهنې ریاست کارکوونکو لپاره سیمینار جوړ شو
د پوهنې وزارت د پلټنې ریاست لخوا د بلخ پوهنې ریاست د پلټنې، تدارکاتو او مالي څانګو د چارواکو او کارکوونکو د مسلکي وړتیاوو لوړولو لپاره څلور ورځنی روزنیز سیمینار جوړ شو.
یاد سیمینار د پوهنې وزارت د پلټنې رئیس مولوي عتیق الله مؤذن، ورسره مسلکي ټیم او مسئولینو په حضور کې پرانیستل شو.
د پوهنې وزارت د پلټنې رئیس د دغه سیمینار موخه د منسوبینو او کارکوونکو د کاري مهارتونو لوړول وبلل او د وزارت د پلانونو او پروګرامونو په پلي کولو کې یې اغېزمن وګڼل.
