هرات ولایت کې د ۶ مېلیونه افغانیو په لګښت د ۷ بابه ښوونیزو مرکزونو بیارغونې پروژې روانې دي
د هرات ولایت په مرکز او فرسي، رباط سنګي، ادرسکن، کرخ، پشتکوه او زاول ولسوالیو کې د ۷ بابه دینيمدارسو او ښوونځيو رغنیزې چارې تر کار لاندې دي او د یاد ولایت پوهنې ریاست لخوا یې په دوامداره توګه بیاکتنه کېږي.
د یاد ولایت د پوهنې رئیس مولوي رحمت الله جابر په وینا، دغه پروژې د شاوخوا ۶ مېلیونه افغانیو په لګښت د پوهنې وزارت له بودیجې څخه پلي کېږي او په بشپړېدو سره به د مدارسو او ښوونځیو زرګونو زدهکوونکو ته مناسب تعلیمي چاپېریال رامنځته شي.
