د پوهنې وزارت د اسلامي زدهکړو معینیت خبرتیا
(د دیني مدارسو د ۱۴۴۶ هـ ق کال د خامسه (ثانویه) او سابعه (مافوق الثانویه) دورو د مشروطینو طالب العلمانو بیاځلې ازموینې په اړه.)
لکه څنګه چې خبر یاست، څه موده مخکې د اسلامي زده کړو معینیت لخوا د دیني مدرسو د ثانويه او مافوق ثانويه مرحلو مشترکه ازموینه اخیستل شوې وه او پایلې یې اعلان شوې دي. په دغو پایلو کې یو شمېر طالبان په ځینو مضمونونو کې مشروط پاتې شوي دي.
اوس د اسلامي زده کړو معینیت لخوا د مشروطینو لپاره د بیاځلې ازموینې کمېټې جوړې شوې او د مکتوب له مخې د ازموینې نېټې ټولو ولایتي پوهنې ریاستونو ته لېږل شوې او خبر ورکړل شوی چې طالبان ازموینې ته حاضر شوي؛ خو لا هم زیات شمېر مشروطین طالب العلمان ازموینې ته نه دي حاضر شوي. له همدې امله، مشروطینو ته د وروستي ځل لپاره خبر ورکول کېږي، ترڅو د ۳/۴/۱۴۴۷ هـ ق مطابق د ۴/۷/۱۴۰۴ هـ ش نېټې پورې ازموینې ته حاضر شي. که څوک په دغه موده کې حاضر نه شي، بیا ازموینه ترې نه اخیستل کېږي.
د پوهنې وزارت
د نشراتو او عامه اړیکو ریاست
