د پوهنې محترم وزیر میدان وردګ ولایت ته په رسمي سفر لاړ
د پوهنې محترم وزیر الحاج مولوي حبیب الله آغا میدان وردګ ولایت ته د خپل کاري سفر په جریان کې د یاد ولایت له پوهنې ریاست څخه لیدنه وکړه او د دغه ریاست له مسئولینو سره یې له نږدې وکتل.
نوموړي په دغه لیدنه کې د پوهنې ریاست د دندو په اړه لنډ راپور واورېد او د ورځنیو فعالیتونو لا ښه والي په اړه یې چارواکو ته اړینې لارښوونې وکړې.
همدارنګه د پوهنې محترم وزیر د دې سفر په جریان د یاد ریاست له لابراتوار، کتابتون، غونډو تالار او یو شمېر نورو څانګو څخه لیدنه وکړه او ډاډ یې ورکړ چې د دوی د اداري او تدریسي ادارو اړتیاوې به پوره شي.
ورپسې د میدان وردګ ولایت پوهنې رئیس محترم مولوي محمد عثمان حریت، د پوهنې محترم وزیر ته د ښه راغلاست ترڅنګ، مشرتابه ته ډاډ ورکړ چې د دې ولایت پوهنې ریاست کې به پر خپل ټاکلي وخت اقدامات او هر اړخیز پرمختګ دوام ولري.
