هرات ولایت کې د یو شمېر ښوونځیو ښوونکو لپاره د وړتیا لوړولو سیمینار جوړ شو
د هرات ولایت پوهنې ریاست، د یو همکار بنسټ په ملاتړ، د یاد ولایت فرسي ولسوالۍ اړوندو ښوونځیو ۶۵ تنو ښوونکو لپاره یو ورځنی روزنیز سیمینار جوړ کړ.
د فرسي ولسوالۍ پوهنې چارواکو د ښوونکو د پیاوړتیا لپاره د داسې پروګرامونو ترسره کولو پر اهمیت ټینګار وکړ او زیاته یې کړه چې دا ډول سیمینارونه د ښوونکو علمي او مسلکي وړتیاوو په لوړولو کې مهم رول لوبوي.
ګډونوالو هم د سیمینار څخه خپل رضایت څرګند او په راتلونکي کې یې د دوام غوښتنه وکړه.
