د دایکنډي ولایت کې د ښوونځیو کارکوونکو لپاره د وړتیا لوړولو ورکشاپ پیل شو
د دایکنډي ولایت د اشترلي ولسوالۍ پوهنې آمریت تر څارنې لاندې د مدیرانو، ښوونکو او سرښوونکو لپاره د وړتیا لوړولو شپږ ورځنی ورکشاپ نن د دغې ولسوالۍ پوهنې آمریت چارواکو په حضور کې پرانیستل شو.
د پلان شوي پروګرام له مخې، دغه روزنیز پروګرام چې شپږ ورځې به دوام وکړي، د اشترلي ولسوالۍ د صنفي اصولو ټولګیو ۷۸ تنه ښوونکي، ۱۲ تنه آمرین او مدیران، ۱۲ تنه سرښوونکي او د ښوونځیو شوراګانو ۴۸ تنه غړي به ترې ګټه پورته کړي.
د یاد ورکشاپ موخه د مسلکي وړتیاوو لوړول، د تدریسي مهارتونو ښهوالی او په ښوونځیو کې د تعلیمي مدیریت پیاوړتیا ده.
