بدخشان ولایت کې یو باب دیني مدرسه په درسي توکو سمباله شوه
د حبیبي قرآني علومو اکاډمۍ لخوا د بدخشان ولایت په خاش ولسوالۍ کې یو باب دیني مدرسه د ۸۰۰ زره افغانیو په لګښت په اړینو تعلیمي او تدریسي توکو سمباله شوې ده.
د یاد ولایت پوهنې ریاست په وینا، په دغه مرسته کې یو شمېر وسایل، تجهیزات، اکمالات او تعلیمي مواد شامل دي چې د مدرسې مدیریت ته ورکړل شوي دي.
د پوهنې ریاست د ادارې او سرچینو آمر محترم قاري عبدالهادي هادي له یاد نېک کار ستاینه وکړه او ویې ویل چې د تعلیم سره د دیني او تعلیمي ادارو همکاري په لیرې پرتو سیمو کې د تعلیمي وضعیت لاښهوالي او پوهې په خپرولو کې د پام وړ رول لوبوي؛ نو موږ ټولو خیریه ادارو او شخصیتونو ته بلنه ورکوو چې په دې برخه کې زموږ سره مرسته وکړي.
