د روان کال په لومړیو څلورو میاشتو کې د میدان وردګ ولایت پوهنې ریاست د کړنو لنډیز
د میدان وردګ ولایت پوهنې ریاست د کیفیت تضمین آمریت د راپور له مخې، د ۱۴۰۴ لمریز کال په لومړۍ ربع کې، د یاد ولایت د ۶۰۵ تنو زدهکوونکو تعلیمي اسناد تایید او په سیسټم کې ثبت شوي او ۱۲۹۷ قطعې شهادتنامې چمتو او د وروستي تایید لپاره پوهنې وزارت ته واستول شوې.
سربېره پردې، د ځینو مدارسو نومونه په سیسټم کې داخل او د ۴۷۱ تنو زدهکوونکو او د هغوی د والدینو نومونه د اړوندو ښوونځيو په رسمي اسنادو کې اصلاح شول.
همدارنګه، د ۸۴۲ تنو زدهکوونکو لپاره سې پارچه سندونه هم تایید شوي دي.
دغه راز، د نویو شامل شویو ۳۱۸۷ تنو سامع زدهکوونکو،د لیاقت او مشروط اسناد هم تایید شول.
د میدان وردګ پوهنې ریاست چارواکي وايي چې د دې فعالیتونو ترڅنګ، د قوانینو او مقرراتو سره سم ګڼشمېر نور اقدامات هم ترسره شوي او په تعلیمي مرکزونو کې د تدریسي کیفیت لاښهوالي په موخه پلې شوي، چې په راتلونکو راپورونو کې به خپاره شي.
