په هرات ولایت کې د ښوونځیو شوراګانو غړو لپاره سیمینار جوړ شو
د هرات ولایت په مرکز او زنده جان، غوریان، رباط سنګي، کشک کهنه او ګلران ولسوالیو کې د ښوونځیو شوراګانو ۶۰۰ تنو غړو لپاره د "عامه پوهاوي" تر سرلیک لاندې دوه ورځنی سیمینار ترسره شو.
د یاد روزنیز پروګرام موخه د ښوونځیو شوراګانو د غړو پوهاوي کچه لوړول دي، ترڅو په ښوونځیو کې د زدهکړې او روزنې کیفیت لاپسې ښه شي.
د یادونې وړ ده چې دغه سیمینار د هرات پوهنې ریاست لخوا د پوهنې وزارت سره د یوې همکارې ادارې په مالي او تخنیکي مرسته تنظیم شوی و.
