د سواد زده کړې لپاره د ۸ زره درسي کتابونو د چاپ هوکړه وشوه
د سرچينو او ادارې معینیت په تالار کې د سواد زده کړې ریاست اړوند د ۱۲ عنوانه درسي کتابونو د چاپ په موخه غونډه جوړه شوه.
په دې غونډه کې د نشراتو او عامه اړیکو رئیس مفتي حبیبالله قتاده نوري، د سواد زده کړې ریاست رئیس او د معارف مطبعې رئیس ګډون کړی و.
د غونډې په لړ کې د یادو کتابونو د چاپ تخنیکي مشخصات د نشراتو او عامه اړیکو ریاست له لوري د معارف مطبعې سره شریک شول، چې د مطبعې رئیس د هر اړخیزې همکارۍ ژمنه وکړه.
همدارنګه، د نشراتو او عامه اړیکو رئیس له خوا د معارف مطبعې له دوامدارو همکاریو څخه مننه وکړه.
په پای کې د ۸ زره درسي کتابونو د چاپ لپاره د ګډونوالو ترمنځ رسمي هوکړه وشوه.
غونډه د دعائیې سره پای ته ورسېده.
