هرات ولایت کې د ۸۶ مېلیونه افغانیو څخه په زیات لګښت د ۲۹ بایه ښوونځیو رغنیزې پروژې پیل شوې
د پوهنې وزارت لخوا د ۸۶ مېلیونه ۴۰۷ زره افغانیو په لګښت، د هرات ولایت د ۲۹ بابه ښوونځیو لپاره یو شمېر پروژې، چې پکې د درسي خونو، احاطوي دېوالونو، اړینو ملحقاتو جوړولو او د څښاک پاکو اوبو څاه ګانو کېندل شامل دي، پیل شوې.
د یاد ولایت پوهنې رئیس مولوي رحمت الله جابر د دغو پروژو د عملي کارونو له پیل څخه خوښي څرګنده او ویې ویل: د پورته ذکر شویو پروژو په پرانیستلو سره به په ښوونځیو کې د درسي کیفیت او د زده کړې کچه لاپسې لوړه او زدهکونکي به وکولی شي، ترڅو په خوندي او غوره ښوونیز چاپېریال کې زده کړې وکړي.
د یادونې وړ ده، چې د یادو پروژو بیارغونې او جوړولو مالي لګښتونه د پوهنې وزارت سره د همکارو ادارو له لوري ورکول کېږي.
