د تخار ولایت یو تن جید دیني عالم د پوهنې وزارت د نشراتو او عامه اړیکو له رئیس سره وکتل
د تخار ولایت اړوند چاه آب ولسوالۍ یو تن جید دیني عالم مولوي شبیر احمد «عثماني» د پوهنې وزارت د نشراتو او عامه اړیکو له رئیس مفتي حبیب الله «قتاده نوري» سره وکتل او د یادې ولسوالۍ د پوهنې د وضعیت په ګډون یې د علاقې وړ موضوعاتو په اړه بحث او نظرونه تبادله کړل.
په پیل کې د پوهنې وزارت د نشراتو او عامه اړیکو رئیس د یاد متنفذ شخصیت له راتګ څخه هرکلی وکړ او نوموړي ته یې د پوهنې وزارت د هغو پروګرامونو په اړه معلومات ورکړل، کوم چې د هېواد بچیانو ته په دیني او عصري علومو برخو کې د تعلیمي خدماتو وړاندې کولو په موخه تنظیم شوي دي.
ورپسې، مولوي احمد شبیر د نشراتو او عامو اړیکو ریاست د کاري تجربو غني کولو په تړاو د مشورو ترڅنګ، د هېواد بچیانو او ځوانانو لپاره د تعلیمي خدماتو وړاندې کولو په برخه کې د پوهنې وزارت له هڅو ستاینه وکړه او د یاد وزارت د پلانونو او پروګرامونو په پلي کولو کې یې د خپل معنوي ملاتړ ډاډ ورکړ.
