خوست ولایت کې د ۸۰۰ زره افغانیو په لګښت، د مراجعینو لپاره د چوپړتیاوو ځانګړی سالون جوړ شو
د لازیاتو آسانتیاوو رامنځته کولو او د مراجعینو له وخت څخه د ضایع کېدو مخنیوي په موخه، د خوست ولایت پوهنې ریاست کې د ۸۰۰ زره افغانیو په لګښت، د مراجعینو لپاره د چوپړتیاوو ځانګړی سالون جوړ او فعاله شو.
د پوهنې مسئولینو، په اداري چارو کې له دغه نوښت هرکلی وکړ او د پورته ذکر شوي تالار جوړول یې د مراجعینو د ورځنیو چارو پلي کولو په پروسه کې خورا ګټور وګڼل.
په ورته وخت کې، د خوست پوهنې ریاست مراجعینو هم له دې اقدام څخه خپله رضایت څرګند او د اداري آسانتیاوو په رامنځته کولو او پوهنیز سیسټم لاپراختیا برخه کې یې د پوهنې وزارت له کړنو ستاینه وکړه.
