د ۱۴۰۳ لمریز کال پر مهال په میدان وردګ ولایت کې پوهنې سره له ۴۳ مېلیونه افغانیو څخه زیاته مرسته شوې
د روان ۱۴۰۳ لمریز کال له پیل راهیسې تر اوسه پورې، د میدان وردګ ولایت پوهنې ریاست سره د یوې همکارې ادارې له لوري، په ټولیزه توګه ۴۳ مېلیونه ۳۳۳ زره ۸۳۴ افغانۍ مالي مرسته شوې ده.
د پوهنې مسئولینو په وینا، پورته ذکر شوې پیسې د یاد ولایت په ۷ ولسوالیو کې د ښوونیزو مرکزونو په جوړولو لګول شوې دي، چې پکې د احاطوي دیوالونو جوړول، لمریزې برېښنا سیسټمونو نصبول، څښاک پاکو اوبو څاګانو کیندل، اړین ملحقات، او نورې تعلیمي اړتیاوې شاملې دي.
هغوی زیاته کړه، چې د همدغو پروژو په بشپړېدو سره د زرګونو زده کونکو لپاره غوره تعلیمي آسانتیاوې برابرې شوې.
د پوهنې وزارت مشرتابه، د ښوونیزو ملاتړو ادارو له مادي او معنوي ملاتړ څخه د مننې ترڅنګ، د هېواد د طلابو او زده کونکو لپاره د زده کړې سالم چاپېریال رامنځته کول خپله بنسټیزه دنده ګڼي او په دې برخه کې له هېڅ راز هڅو درېغ نه کوي.
