پروان ولایت کې د یوې دیني مدرسې پراختیا لپاره ۱۰۰۰ متره مربع ځمکه ځانګړې شوه
د پروان ولایت بګرام ولسوالۍ اړوند د شاخ دوغ آباد ګران کلي اوسېدونکو لخوا د حضرت ابوبکر صدیق «رضی الله عنه» دیني مدرسې لپاره یوه ټوټه ځمکه د ۱۰۰۰ متره مربع مساحت سره وقف شوه.
په ورته مهال، د پروان ولایت پوهنې ریاست مسئولینو، علماءکرامو او قومي مخورو په حضور کې د یادې مدرسې لپاره د دوه درسي خونو جوړولو چارې هم پیل شوې.
د پوهنې وزارت مشرتابه د پوهنیز نظام لا بډایه کولو لپاره د هېواد د خلکو له مادي او معنوي مرستو مننه کوي او په دې برخه کې د پروان ولایت د علم پروره خلکو همکاري ستایي.
