پکتيا ولايت کې د يو مېليون افغانيو په لګښت د ۴ بابه ښوونځيو لپاره کمپيوټرخونې جوړې شوې
د پکتیا ولایت اریوب ځاځي ولسوالۍ اړوند د بيان خېل، مرکزي اریوب، روکيان او ګلغنډۍ ښوونځيو د کمپيوټر خونو او تخنيکي لوازمو د ترميم چارې، د يو مېليون افغانيو په لګښت د ځايي خلکو په همکارۍ ترسره او ګټې اخيستنې ته وسپارل شول.
د پکتيا ولايت پوهنې رئيس مولوي عبدالقيوم فاروقي د اريوب ځاځي ولسوالۍ له علم پروره ولس څخه د مننې په ترڅ کې، له زده کوونکو او ښوونکو وغوښتل، چې د اړتيا وړ توکو په ساتنه او پالنه کې جدي هڅې وکړي.
د پوهنې وزارت رهبري د پکتیا ولایت د خلکو په ځانګړې توګه د پوهنې مینه والو د مادي او معنوي مرستو له امله مننه کوي.
