په جوزجان ولایت کې د ۳.۱ مېلیون افغانیو په لګښت د یو ښوونځي نوې ودانۍ پرانیستل شوه
د جوزجان ولایت په شبرغان ښار کې د جنرال عبدالحکیم عالي لېسې د بیارغونې چارې، چې ۶ درسي ټولګي او دوه درسي خونې لري، د ۳ مېلیونه او ۱۵۰ زره افغانیو په لګښت د محمد قیس ارغندیوال خیریه بنسټ په مالي مرسته جوړه او ګټې اخیستنې ته وسپارل شوه. په هغه غونډه کې چې په همدې موخه جوړه شوې وه، د یاد ولایت پوهنې رئیس مولوي سید حفیظ الله معتصم بالله د ارغندیوال خیریه بنسټ او د سیمې له خلکو څخه د مننې په ترڅ کې زیاته کړه، د دغه ښوونځي زده کوونکي د درسي ټولکیو د کمښت له ستونزو سره مخ وو، چې د دې ودانۍ په جوړېدو سره یې ستونزې هوارې شوې. يو شمېر زده کوونکو او استادانو هم د يادې لېسې له نوې ودانۍ څخه خوښي څرګنده او په هېواد کې يې د پوهنې د وضعيت لاښه والي په موخه د پوهنې وزارت د رهبرۍ له هڅو قدرداني وکړه. د پوهنې وزارت مشرتابه د هېواد د علم پروره خلکو له مادي او معنوي ملاتړ څخه مننه کوي.
