د پوهنې وزارت د دعوت او ارشاد رئیس بغلان ولایت ولاړ
د پوهنې وزارت د دعوت او ارشاد رئیس مولوي جمعه خان سروري د یو پلاوي سره بغلان ولایت ته ورسېد.
په پیل کې نوموړي د یاد ولایت له پوهنې رئیس الحاج مولوي محمد نور عزیزی او مسئولینو سره وکتل.
د پوهنې وزارت د دعوت او ارشاد رئيس یاد ولايت ته د خپل سفر موخه، د امربالمعروف او نهی عن المنکر د پروګرامونو پلي کول وبلل او له مسئولینو یې وغوښتل، چې "د اساسات اسلام کتاب" هره ورځ ښوونکو او زده کوونکو ته تدریس کړي.
دغه راز نوموړي له مسئولینو او کارکوونکو څخه وغوښتل چې خپلې کړنې او چلند د اسلام د ګران پیغمبر حضرت محمد (ﷺ) له سیرت او سنتو سره برابر کړي.
په ورته مهال د بغلان پوهنې ریاست مسئولینو، د پوهنې وزارت پلاوي ته راغلاست ووایه او د یاد وزارت د دعوت او ارشاد د لارښوونو او تدریسي نصاب له عملي کولو څخه یې ډاډ څرګند کړ.
