په ولایتونو کې له پوهنې سره د خلکو ملاتړ دوام لري
ننګرهار: __ دننګرهار ولایت حصارک ولسوالۍ اړوند یو تن معارف دوست شخص د ۲۰ زره افغانیو په لګښت، د یادې ولسوالۍ د جوکان لېسې اوبو رسولو سیسټم په تخنیکي وسایلو سمبال کړ. __ همدارنګه د ياد ښوونځي شورا هم د ١٨ زره افغانيو په لګښت یو پایه کمپيوټر سره د ټولو وسايلو وپېره او له دې لېسې سره يې مرسته وکړه. لوګر: د لوګر ولایت په مرکز پل علم کې د کلنګار ښوونځي لپاره د پاکو اوبو یو حلقه څاه کیندلو په برخه کې، دوو تنو هېوادوالو چې په بهر کې اوسېږي، د ۴۰ زره افغانیو مرسته وکړه. د پوهنې وزارت مشرتابه د ښوونیز نظام په برخه کې د علم پروره خلکو له مرستو ملاتړ او هرکلی کوي.
