په دایکنډي ولایت کې د دوه بابه ښوونځيو ودانۍ د ۶۶۰ زره امریکایي ډالرو په لګښت ورغول شوې
د دایکنډي ولایت پوهنې ریاست څخه په خپره شوې خبرپاڼه کې راغلي دي چې:
د تاق عروس او کډوالو ښارګوټي د ښوونځیو ودانۍ جوړې او ګټې اخیستنې ته وسپارل شوې.
د يادو بنسټونو د نویو ودانیو پرانيستې په مراسمو کې د پوهنې رياست پر مسئولينو سربېره، د سيمه ييزو ادارو يو شمېر چارواکو، علماءکرامو او د خلکو استازو هم ګډون درلود.
د دايکنډي پوهنې رئيس مولوي رحمت الله قنديلي وويل: د تاق عروس د لېسې په ودانۍ ٣٥٠ زره ډالره او د کډوالو ښارګوټي د ښوونځي په رغونه ٣١٣ زره امريکايي ډالره لګښت راغلى، چې ټول اړين ملحقات هم لري او لګښت يې د پوهنې په برخه کې د دوو مرسته کوونکو بنسټونو له خوا ورکول شوی دی.
د ياد ولايت پوهنې رئيس له مسئولينو او زده کوونکو وغوښتل، چې د خپلو ښوونځيو په ساتنه کې جدي هڅې وکړي.
بل خوا د خلکو استازو هم په خپلو سیمو کې د ښوونځیو له جوړېدو څخه خوښي څرګنده کړه.
