په غزني ولایت کې د یوې مدرسې د ودانۍ بنسټ ډبره کېښودل شوه
د پوهنې وزارت چارواکي وايي، د غزني ولایت ګیلان ولسوالۍ اړوند د هوتک کلي اوسېدونکو د یو مېلیون افغانیو په لګښت په یاده ولسوالۍ کې د یو باب مدرسې نوې ودانۍ جوړوي.
د دغه ولايت د پوهنې مسئولينو د يادې مدرسې د بنسټ پر مهال له خلکو وغوښتل، چې د پوهنې له پروګرامونو د ملاتړ ترڅنګ، خپل ماشومان دمدارسو او ښوونځيو ته واستوي.
د دوی په وینا، په پلان کې ده، د مدرسې دغه ودانۍ په یو جرېب ځمکه کې جوړه شي، چې ۶ درسي ټولګي، یوه اداري خونه او د اوبو رسولو سیسټم به له ټولو اړینو ملحقاتو سره ولري.
د پوهنې وزارت مشرتابه د غزني ولایت د علم پروره ولس له مرستو مننه او قدرداني کوي.
