د ولایتونو د پوهنې څو خبرونه
ارزګان:
د ارزګان ولایت پوهنې رئیس الحاج مولوي شمس الله آخندزاده کامران د پوهنې وزارت د ښوونکو د روزنې او مسلکي پراختیا ریاست له څلور کسیز پلاوي سره وکتل او د یاد ولایت د پوهنې ریاست ۵۴ تنو مدیرانو، ښوونکو او د ښوونځيو شوراګانو غړو ته یې د مسلکي سیمینار د وړاندې کولو په تړاو تفصیلي خبرې وکړې.
کاپیسا:
د کاپیسا ولایت په تګاب ولسوالۍ کې د نجیب الله شهید منځني ښوونځي د بیارغونې چارې په دې وروستیو کې بشپړې او د زده کوونکو پرمخ ګټې اخیستنې ته وسپارل شو.
د دغه ښوونځي پر چارو ۴۰ زره افغانۍ لګښت راغلی، چې د یاې ولسوالۍ د خلکو له لوري ورکړل شوی.
لوګر:
د لوګر ولایت په مرکز پل علم ښار کې د دارالعلوم محمدي لیلیه فعاله شوه، چې د ۵۰ تنو زده کوونکو ظرفیت لري.
د يو بل خبر له مخې:
د پوهنې له بودیجې څخه د لوګر ولایت د پوهنې ریاست ۲۲ تنو خدمتي کارکوونکو ته ژمنۍ جامې او بوټونه چمتو او د یو لړ مراسمو په ترڅ کې ووېشل شول.
بدخشان:
د بدخشان ولایت په شهداء ولسوالۍ کې د ابو طلحه (رضی الله عنه) د عالي لېسې بیارغونې چارې پیل شوې.
ټاکل شوې چې د یادې لېسې د بیارغونې لګښت د پوهنې له بودجې څخه ورکړل شي.
