په ننګرهار ولایت کې د یو باب ښوونځي د ودانۍ بنسټ ډبره کېښودل شوه
د ننګرهار ولايت پوهنې رئيس مولوي عزيزالله مصطفى په داسې حال کې چې د پوهنې پر مسئولينو سربېره د سيمې يو شمېر علماوو او قومي مخورو هم حضور درلود، د یاد ولایت په لعل پورې ولسوالۍ کې د امام ابوحنيفه (رحمه الله) د ديني مدرسې بنسټ ډبره کېښودله.
د یادې مدرسې د جوړېدو لپاره ۱۷۰ زره ډالره ځانګړي شوي، چې په پام کې ده، د همدغې ولسوالۍ د يو تن علم پروره شخص له لوري ورکړل شي.
د پوهنې رئیس په لرو پرتو او محرومو سیمو کې د ښوونیزو بنسټونو پر پراختیا ټینګار وکړ او نورو ویناوالو په ټولنه کې د پوهنې پر اهمیت د خبرو پرمهال ژمنه وکړه، چې خپل اولادونه به د زده کړو په موخه مدارسو او ښوونځیو ته واستوي.
د پوهنې وزارت رهبري د هېواد له پوهنیز نظام سره د افغان ولس، په ځانګړې توګه د لعلپورې ولسوالۍ د عامو خلکو د ملاتړ له امله مننه کوي.
