د هرات ولایت په یو باب ښوونځي کې ۴ درسي ټولګي ورغول شول
د هرات ولايت پښتون زرغون ولسوالۍ اړوند د معموره ښوونځي د شورا په مالي مرسته، همدغه ښوونځي ته ۴ درسي خونې جوړې شوې.
د یاد ولايت د پوهنې مسئولينو د معلوماتو له مخې، د دغو درسي ټولګيو جوړولو او د ځينو درسي موادو برابرولو ټولیز لګښت څه باندې ۳۰۰ زره افغانۍ دى.
د پوهنې وزارت رهبري د پوهنې په برخه کې د پښتون زرغون ولسوالۍ د علم پروره ولس له مرستو مننه کوي.
