په کاپیسا ولایت کې د خلکو په مرسته د یو مېلیون او ۸۰۰ زره افغانیو په ارزښت د یو ښوونځي ودانۍ ورغول شوه
د پوهنې چارواکي وايي، د کاپيسا ولايت د نجراب ولسوالۍ یو تن علم دوسته شخصیت محمد هارون نظري، د يادې ولسوالۍ په پچغان کلي کې د خالد بن وليد لومړني ښوونځي ودانۍ ورغوله.
دغه ښوونځی د ۵ درسي ټولګيو، یوې اداری خونې او نورو اساسي اړتیاوو په لرلو سره جوړ شوی دی.
د پرانیستې په مراسمو کې د کاپيسا ولايت پوهنې رئيس مولوي محمد فريد حقاني، سیمه ییزو مسئولينو، علماوو، د خلکو استازو او قومي مخورو برخه اخيستې وه.
د پوهنې وزارت رهبري د ياد ښوونځي د جوړېدو په برخه کې د نجراب ولسوالۍ د دغه علم پرورو هېوادوال له مرستو مننه کوي.
