له پوهنیز نظام سره د میدان وردګ ولایت د علم پروره ولس مرستې دوام لري
د میدان وردګ ولایت د پوهنې ریاست په یوه خبرپاڼه کې راغلي، چې په دې وروستیو کې د یاد ولایت د جغتو ولسوالۍ معارف دوسته اوسېدونکو، په همدغه ولسوالۍ کې د یو شمېر ښوونځیو بیارغونې او تجهیز په موخه لاندې مالي مرستې ترسره کړې دي:
1__ د عامو خلکو له لوري د سرور کائنات«صلی الله علیه وسلم» ښوونځي لپاره د ۱۱ جرېبه ځمکې مرسته او د حاجي ګل آصف له خوا د ٢٤٠ زره افغانيو په لګښت او د حاجي جنت ګل له خوا د ١٥٥ زره افغانيو په ارزښت د ١١ درسي خونو په درلودلو سره د همدغه ښوونځي لپاره د ودانۍ جوړېدل.
3__ د یادې ولسوالۍ بتاوکې کلي کې د سرور کائنات (صلی الله علیه وسلم) له ښوونځي سره د ۳۲ زره افغانیو مرسته.
٤__ د يو ښوونيز بنسټ له خوا د غازي محمد جان خان عالي لېسې زده کوونکو لپاره د کانکور آزموینې چمتوالي په موخه کورس جوړ شو او د همدغه پروګرام د دوو تنو ښوونکو معاشونه د ځایي خلکو له خوا ورکول کېږي.
د پوهنې وزارت مشرتابه د ښوونې او روزنې په برخه کې د میدان وردګ ولایت جغتو ولسوالۍ د علم پروره اوسېدونکو له مرستو هرکلی کوي.
