د پوهنې ځینې ولایتي خبرونه
په ولایتونو کې په جلا جلا توګه رقابتي آزموینه:
په تخار ولایت کې د بهارک او هزار سموچ ولسوالیو د مدارسو خالي بستونو ډکولو په موخه له ۵۴۶ تنو علماوو څخه، په فاریاب ولایت د پشتون کوټ ولسوالۍ د ښوونکو د خالي بستونو ډکولو لپاره له ۷۰ تنو څخه او په هرات ولایت کې له ۱۲۰ تنو څخه د دغه ولایت په ښوونځیو کې د ښوونکو د ۴۹ بستونو ډکولو په موخه آزموینه واخیستل شوه.
بغلان:
د بغلان ولایت په مرکز کې د ښوونځیو له ۱۲۰۰ تنو زده کوونکو څخه، د ا/ مارت پېژندنې تر عنوان لاندې آزموینه واخیستل شوه، په پام کې ده، چې د یادې آزموینې ممتاز زده کوونکي د پوهنې ریاست له خوا وهڅول شي.
